Edicioni i 14 i Manifesta që do të mbahet në Prishtinë, Kosovë prej 22 korrikut 2022, është më shumë se sa thjeshtë një bienale. Programi është zhvilluar prej nevojave që qytetarët e Prishtinës kanë dashur të vendosin në pah duke përfshirë rikthimin e hapësirave publike, të sjellurit e kulturës në periferitë e qytetit, të stabilizohen më shumë hapësira për kulturën dhe mirëqënien dhe të përmirësohet larmishmëria dhe gjithëpërfshirja në fushat kulturore e gjithashtu që Prishtina të jetë më e gjelbër. Programi paraprak i shpallur këtë javë në një konferencë për shtyp i adreson këto problematika dhe do të jetë i përqëndruar në katër shtylla konceptuale.

Manifesta 14 do të hapë dyert këtë verë e do të shfaqë ndërhyrje artistike dhe urbane në të gjithë Prishtinën. 32 nga 40 ndërhyrjet do të jenë punime të reja. Pjesëmarrës nga e gjithë bota do të shfaqin punimet e tyre në 22 hapësira të ndryshme në Prishtinë, prej shesheve të qytetit tek një ish-kinema, një hamam të qytetit dhe në një observator. 77 pjesëmarrësit prej 22 shtetesh u shpallën në konferencën për shtyp të 5 prillit, e në vijim do të njoftohen edhe më shumë pjesëmarrës.

Duke kthyer vëmendjen në talentet e rajonit, ky program bën bashkë 37 pjesëmarrës nga Kosova së bashku me 16 pjesëmarrës nga rajoni i Ballkanit Perëndimor.

Programi i Manifesta 14 Prishtina do të përqëndrohet në katër shtylla: Fabrika e Tullave, një ish-hapësirë industriale e vendosur në periferi të qytetit; Grand Hotel, një hotel emblematik i periudhës së ish-Jugosllavisë; Qendra për Praktikë Rrëfyese, një institucion i ri, i qëndrueshëm dhe ndërhyrjet artistike dhe urbane përreth qytetit. Ndërhyrjet urbanistike përfshijnë rigjenerimin e një hekurudhe të papërdorur në një hapësirë të gjelbërt për qytetin. Një parcour i mirë-organizuar që përmbledh më së miri programin do t’u mundësojë vizitorëve të ndërveprojnë me tregimet e hapësirave në të cilat do të shfaqen këto ndërhyrje./arbresh.info/